GENOPSLAG - Teamleder til Uummannaq

Nukissiorfiit

Uummannaq
08-09-2023
Piffissaq atuuffissaa naassaaq: 29-09-2023
Suliffissamut ID normut: LJA-85075904
Suliassaqarfik: Assassorluni sulineq & sanaartorneq
Attaveqarfissamut paasissutissat

Nukissiorfiit

 
Oqarasuaat

TEAMLEDERI UUMMANNAQ


Teamlederimik misilittagaqarluartumik sulisussarsiorpugut, Nukissiorfiit Uummannami innaallagissamik aamma imermik ingerlatsineranik akisussaaffeqarsinnaasoq.
Aqutsisutut atorfik unamminartoqarfiusoq pineqarpoq tekniskiusumik pikkoriffeqarluartoq aamma inuiaqatigiinnut akisussaaffeqarluartuusoq. Nukissiorfiit ineriartortitsinerup pissanganartup qeqqaniipput, tassani pilersinneqarput aningaasartuutinik atorluaaneq aamma ataavartunik aaqqiinerit nunamut tamarmiusumut iluaqutaasut. Tamatumunnga ilanngullugit nukissiamik aamma imermik imerneqartussamik pilersuinerup ineriartorteqqinneqarnera aamma pitsanngorsarneqarnera qitiutinneqarnerput anguniakkanik angusaqarluarnissaq siunertaralugu piumasaqaatinut killiussat unamminartut iluanni.


Suliassatit pingaarnerit tassaapput: 



  • Illoqarfimmi imermik aamma siaruarterinermik kiisalu innaallagissamik siaruarterinermik ataqatigiissaarinermut pingaarnermik akisussaassuseqarnerup qulakkeertarnissaa.
  • Nukissiorfiit siunissamut pilersaarutaannik eqquutsitsinermut peqataaneq aamma ulluinnarni suleqatigiinnik aqutsinermi tamatuma ilaatittarnissaa.
  • Nunaqarfimmi suliassat nunaqarfimmi sulisut peqatigalugit pilersaarusiortarnissaat.
  • Nunap immikkoortuani nioqqutissiornermut aamma siaruarterinermut piginnaasat piginnaasat illoqarfiit aamma nunaqarfiit allat suleqatigalugit pilersaarusiortarnerisa ineriartortittarnissaannut siunnersuusiortarneq.
  • Nukissiorfiit Corporate Social Responsibilityp piviusunngortittarnissaanut peqataaneq aamma ineriartortitseqataaneq.
  • Suliffeqarnermik, ilinniakkat aamma suliatigut soqutigisanik misilittagaqarneq apeqqutaatillugit illit atorfinni suliassat imarisaanut sunniuteqarnissamut periarfissaqarputit.


Sulisussarsiorpugut makkuninnga piginnaanilimmik:


  • Teknikimut tunngasumik ilinniagaqartumik, soorlu assersuutigalugu maskinmesteritut, el-installatøritut, elektrikeritut imaluunniit assingusumik.
  • Teknikimut atortunik ingerlatsinermut aamma aserfallatsaaliuisarnermut ilisimasaqartuuneq.
  • Qunujaanngitsumik, nammineerluni suliaqartarsinnaasumik aamma ulapaarfiusuni sunik tamanik isiginnissinnaasumik.
  • Atuisutut EDB-mik ilisimasaqartumik.
  • Iluaqutaassaaq illit kalaallisut aamma qallunaatut oqalussinnaaguit.

Atorfimmi illit ilinniakkannik naammasseqammersuusinnaavutit, imaluunniit ukiuni arlalinni misilittagaqartuusinnaallutit. Ilinniagaqaqqammersuuguit imaluunniit misilittagaqartuuguit, taava illit ilinniartinneqarnerit piginnaasannut tulluartissavarput aallartilluarnissallu qulakkeerlugu.


Suut naatsorsuutigisinnaavigit?

Innaallagissamik siaruarterinermi aamma imermik nioqqutissiornermi/siaruarterinermi suleqataasut ilagilissavaat suliatigut pikkorissut sulerusussuseqartuusullu suleqatigiinni ilaatut. Suliffeqarfimmi pingaaruteqartumi inissisimassaatit, taamatut uagut pikkorissuseqarnitsigut suleqatigiilluartarnitsigullu iluatsitsilluarneq angusarlutigu. Tamanna ilutigalugu suliffeqarfimmi sulisut iluarisimaarinnilluartut akornanniilernissat qilanaarisinnaavat – uagut Kalaallit Nunaanni aamma Danmarkimi pitsaanerpaat ilagaatsigut.


Atorfeqartitaanermi atugassarititaasut
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.


Atorfinitsitineq qaammatini pingasuni misiliutitaqassaaq.


Ineqarneq

Atorfimmut atatillugu inissiaq pequsersorneqanngitsoq neqeroorutigaarput maleruaqqusat atuuttut naapertorlugit. Namminersorlutik Oqartussat aqqutigalugu atorfimmut atatillugu inissaqartinneqareeruit tamatumunnga pisinnaatitaaffik pigiinnarneqassaaq.


Atorfininnermut atatillugu angalaneq aammalu soraarnermi angalaneq
Atorfimmut atatillugu angalaneq aammalu pequttat akiliunneqarsinnaavoq, ukiullu pingasut ataannartumik atorfeqarnermi soraanermi angalaneq aammalu pisattat akilerneqarsinnaapput, illoqutigiit aammalu meeqqat 18-ninik ukiullit ataallugit.


Atorfimmut tunngasunik apeqqutissaqaruit taava Uummannami ingerlatinermi Teamlederi Gert Kjær tlf. Nr. +299 493717 imaluunniit Nunap Immikkoortuani Pisortaq Ole Karl Poulsen tlf.nr. +299 525404-mut sianerfigalugu attaveqarfigiuk.


Apeqqutit nalinginnaasut akissarsianut aamma atorfinitsitaanermut atugassarititaasut pillugit hr@nukissiorfiit.gl -imut saaffiginnissutigineqarsinnaapput.


Illit tassaavit uagut suleqatissatut ujartugarput?Taava qinnuteqaatit una aqqutigalugu ”Atorfik una qinnuteqarfigiuk” piaartumik nassiuguk.


Nukissiorfiit pillugit :

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.