Kommune Qeqertalik søger en lønmedarbejder

Kommune Qeqertalik tamakkerlugu akissarsialerivik sulisussarsiorpoq 01.11.2023 isumaqatigiissuteqarnikkulluunniit sulilertussamik.

Kommune Qeqertalimmi akissarsialerisut arfiniliupput, Kommunip Qeqertaliup illoqarfiini siammarsimasumik inissisimallutik.

Akissarsialeriffik politikkikkut inissisimaffimmi INUA-mi inissimavoq. Atorfiullu Aasianni inissisimanissaa siunertaavoq.

Suliffeqarfiup naatsorsuutigaa, suliffimmi pitsaassutsimik pingaartitsillutit sulisinnaassuutit, suliffimmilu pitsanngorsaatissanik aaqqiissutissanillu aaqqissuussamik sulinissamik piginnaaneqarlutit.

Suliassat pingaarnerit:

·Aningaasarsianut tunngasunik Akissarsiat-nut ikkussuineq.

·Akissarsiat allagartaasa misissorneri

·Ingerlaavartumik immikkoortortaqarfinnik assigiinngitsunik attaveqarneq.

·Immikkoortortaqarfinni assigiinngitsuni akissarsiat pillugit sullissineq

·TID/Webtas

·Nikinganaveersaartitsineq (afstemning)

·Email takkussuuttunik nakkutiginninneq

·Sulianut tunngasunik atortorissaarutinut toqqorsuineq

·Suliassat allat

Naatsorsuutigaarput qinnuteqartoq makkuninnga tunuliaqutaqarnissaa:

·Suliamut attuumassuteqartumik ilinniagaqarneq – assersuut HK allaffimmioq.

·Misilittagaqarneq akissarsianillu soqutiginnittuuneq

·Pisortatigoortumik akissarsiat pillugit ilisimasaqarneq

·Isumaqatigiissutinik ilisimasaqarneq

·Qarasaasiamik atuinermik misilittagaqarneq

·Aaqqissuussamik sulisinnaaneq akisussaaffeqartumillu sulinissaq

·Namminersorluni akisussaaffilimmik suliaqarsinnaasoq

·Suleqatiginnilluarsinnaasoq, qiimasoq attaveqaqatigiuminartorlu

·Suliassanik suleriutsinillu nutaanik suliaqarnissamut piginnaanilik

Pineqaatissinneqarsimannginnermut uppernarsaat: 

Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:

Akissarsiat aamma atorfininnermi atugassarititaasut Kalaallit Nunaanni Namminersorlutik Oqartussat aamma suliniaqatigiiffiup attuumassutillip isumaqatigiinniartussaatitaasup akornanni isumaqatigiissut atuuttoq naapertorlugu pissaaq.

Atorfinitsitaaneq qaammatinik pingasunik misiligarneqarnermik atuuffeqartoq pissaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Qinnuteqaat:

Qinnuteqaatip ilisarnaataa ”Akissarsialerisoq” aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup 5. oktober 2023 qaangiutinnginnerani sulisoqarnermut immikkoortortaqarfimmiit tiguneqareersimassaaq.

Atorfik pillugu annertunerusumik paasiniaasoqarsinnaavoq, uunga saaffiginninnikkut immikkoortortami aqutsisoq Alida C. Rafaelsen, mail alra@qeqertalik.gl Imaluunniit Akissarsialerivimmi akisussaasumut Sofie Jeremiassen mail: soje@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput