Fagchef kultur, fritid og museumsområdet

Kulturimut, sunngiffimmut katersugaasivinnullu suliassaqarfimmi pisortaq

Kommune Kujallermi Inerisaanermut Ingerlatsivik (meeqqeriveqarnermut, ilinniagaqarnermut suliffeqarnermullu ingerlatsivik) tatituumik misilittagalimmillu Kulturimut, sunngiffimmut katersugaasiveqarnermullu suliassaqarfimmi pisortassarsiorpoq decembarip allaaqqaataa 2023 aallarnerfigalugu imaluunniit immikkut isumaqatigiissuteqarnikkut atorfinittussamik.

Suliassaqarfimmi pisortaq suliassaqarfiit taaneqartut ulluinnarni ingerlanneqarnerannut akisussaavoq ingerlatsiviullu pisortaa qullersarissallugu, taamaammat suliassaqarfimmi pisortaq kommunimi suliassaqarfiit assigiinngitsut akornanni qassiitigut sulianut peqataasassaaq.

Allaffissornermik sulisunillu aqutsineq atorfimmi uani pineqartumi pingaarnertut qitiutinneqarpoq.

Kommunip suliassaqarfinni pisortat tamarmik sulinermut aallaavigisartagaat aqutsisutut tunngavissat suliarinikuuai.

Atorfik Qaqortumi inissisimavoq.

SULIASSAQARFIMMI PISORTATUT ATORFIK

Immikkoortortaqarfik suliassaqarfimmi pisortamik tatituumik, aqutsinerup tungaatigut aamma pissanganartunik unammillernartunik kiisalu atualertussanut aallussinermi sulianik ilisimasalimmik pisariaqartitsivoq.

Immikkoortortaqarfiup iluani aaqqissuussaanerup sannaanut suleqataanissannut periarfissaqassaaq, immikkoortortaqarfiullu avammut kiinnertartoralutit sinniisorissavaatit.

Suliassaqarfimmi pisortatut akisussaaffiit pingaarnerit tassaapput

• Suleqatissanik tamanik peqateqarluni aqutsineq, ineriartortitsineq, ataqatigiissaarinerlu.
• Suliassaqarfiup ingerlatsineranut, sullissineranut ineriartorneranullu suliatigut aningaasatigullu akisussaasoq.
• Politikkikkut tunaartarineqartut ingerlatsivimmi inerisarneqarnissaat, suliarisassanngornissaat atulersinneqarnissallu qulakkiissallugit.
• Ingerlatsiviup pisortai suleqatillu kinguneqarluartumik suleqatigalugit malunnartumik ingerlatsivimmi periusissat ataatsimoorussat qulakkiissallugit.
• Sulisut, suliatigut piginnaasat suliallu sulianullu tunngasut akornanni ataqatigiissumik pilersitsisoqarniassammat sulisut piginnaasaannik siuarsaanissaq qulakkiissallugu.
• Immikkoortortaqarfimmi ingerlatsisut assigiinngitsut akornanni ataqatigiinnissaat qulakkiissallugu.

Aammattaaq kissaatigaarput ingerlatsiviit attuumassuteqartut sinnerinik aamma illup avataaniittunik nalinginnaasumik suleqateqarneq pitsanngorsarusullugu, taamaalilluta innuttaasut sanngiinnerusut ataatsimut suliniuteqarfigineqarnerat nukittorsaavigerusullugu.

Inuttut suliamillu piginnaasatigut tunuliaqutitigut naatsorsuutigaarput

• Aqutsinermut naleqquttumik ilinniagaqartutit / misilittagaqartutit, ajornanngippat nunatsinni pisortat suliffeqarfiini
• Suliassaqarfimmi inatsisitigut politikkikkullu aaqqissuussaanerup qanoq ingerlasarneranik ilisimasaqarluartutit.
• Aqutsinermik allaffissornermillu ilisimasaqartuusutit.
• Aaqqissuussisinnaassuseqartutit, misissueqqissaarsinnaanisutit periusissiornikkullu tamakkiisumik isiginnissinnaasutit.
• Pingaarnertut missingersuusiornermut naatsorsuusiornermullu misilittagaqartutit - aamma aqutsinermi.
• Siuttuusinnaassuseqartutit, qiimasuusutit suliniuteqarsinnaassuseqartutillu.
• Ataqqinnittutit eqaatsumillu suleriuseqarsinnaasutit.
• Suleqatinik kajumissaarisinnaassuseqartutit peqataatitsinermullu piginnaasaqarlutit.
• Ineriartortitsinermik siunertaqartutit ineriartortitsinermillu ingerlatitseqqissinnaassuseqartutit.
• Suliffeqarfimmik politikikkut aqunneqartumik misilittagaqarluartutit.
• Aalajaatsuusutit pitsaassutsimillu pingaartitsisuusutit.
• Paatsiveerunnak ataatsikkut arlalinnik suliaqarsinnaasutit.
• Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
• Marluinnik oqaaseqartuuguit iluaqutaassaaq.

Meeqqanik pinerlisimannginnermut uppernarsaat

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiat atorfeqarnermilu atugassarititaasut, soorlu akiliunneqarluni atorfeqarnermi soraarnermilu angalanissamut pisattallu nassiunneqarnerannut pisinnaatitaaffiit, Kalaallit Nunaanni Namminersorlutik Oqartussat kiisalu kattuffiup isumaqatigiinniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.

Avataaniit atorfinittumut inissaqartitsisoqarsinnaavoq malittarisassat atuutut malillugit akilerneqartartussamik, taamatuttaaq nuunissamut nutsernissamullu kommune- mit akilerneqassallutik sukkulluunniit maleruagassat atuuttut malillugit.

Atorfik pillugu paasissutissat sukumiinerusut pissarsiarineqarsinnaapput una saaffigalugu: Ingerlatsivimmi pisortaq Kattie Egede Motzfeldt oqarasuaammi 64 54 61 imaluunniit e-mailikkut: kaem@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik oktobarip ulluisa qulingat 20123 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”