Kommune Qeqertalik Siunnerfimmi sulianik ataqatiigiissarsisussarsiorpoq

Kommune Qeqertalik Siunnerfimmi sulianik ataqatigiissaarisussarsiorpoq. Atorfik Kommune Qeqertaliup qullersaqarfiani Aasianniittumi inissisimavoq. Atorfiit piffissap tamakkiisup iluani aamma ilaannaani atorfiupput.

Suliniutip Siunnerfik siunertaraa Kommune Qeqertalimmi Kommunalbestyrelsip, ukiunut tulliuttunut tallimanut, meeqqanut inuusuttunullu suleriusissamik pilersitsinissaminut siunniussimasaa timitalerlugulu piviusunngortinnissaa. Taassuma ataani meeqqat atuarfianni angusat qaffassarnissaat, atuanngitsoortarnerup apparsarnissaa kiisalu aanngajaarniutinik atuinerup annikillisarnissaa, kommunalbestyrelsimit aalajangiunneqarsimasut.

Suliniut Siunnerfik ajunngitsumik ingerlalluarluni kinguneqarluassappat pisariaqarpoq siammasissumik piginnaasalimmik ataqatigiissaarisoqarnissaa.

Ataqatigiissaarisut suliassat akisussaaffissaalu pingaarnertut ukuussapput:

•Kommune Qeqertalimmi inoqarfinni tamani assigiimmik suliniut Siunnerfik ingerlanissaanut ataqatigiissaarissaluni

•Suliniummut atatillugu suliamut tunngasunik paasissutissanik katersineq ataqatigiissarnissaa

•Avataaniit pitsaasumik suleqateqarneq qulakkeernissaa

•Suliniutip nittartagaa pilersinnissaa ataavartumillu inerisarnissaa immersorneralu isumagissallugu.

•Suliniummut, suleriutsinik pilersaarusiorneq taakkulu piviusunngortinnissai ataqatigiissassallugit

•Suliniutinik ataavartumik nalilersuisarnissaq

•Kommune iluani meeqqanut inuusuttunullu susassaqartut suliniummut peqataatitsineq

•Meeqqat inuusuttullu isumaat tusarniaaffigisarnissaanut akisussaasoq

•Suliunitinut avataaniit aningaasanik ujartuinerup ataqatigiissarnissaa.

Qulaani taajorneqartut saniatigut allanik suliassaqarnissaq naatsorsuutigineqassaaq.

Sulisut piginnaasaanik ineriartortitsineq akisussaaffigissavat; taamaalilluni sulisut ilinniakkatigut piginnaasat aamma ilinniagaq aallaavigalugu suliat imminnut ataqatigiillutik ukissaqartinneqarsinnaalersinneqassapput. Kommunip iluani fagkoordinatorit allat illoqarfinnilu pisortat suleqatigalugit kommunip anguniagai nutaat aallarteriikkat tunngaviusumik aqutsineq periusissiornerlu aamma peqataaffigalugit akuutitsisaatit.

Fagkoordinatoritut kommunip illoqarfiini nunaqarfiinilu sulinerit ataqatigiittuunissaanik siunertaqarnissaallu siuttuuffigalugit qulakkeertassavatit.

Suliaqarfiup iluani ilinniakkatigut inerisaaneq tapersersortassavat inerisartarlugulu, taamaalilluni sunik tamanik eqqarsartaaseqarneq, pinaveersaartitsineq allatullu iliorluni pinaveersartitsineq sammineqaleriartortinneqassapput.

Suliassaq sapiiserfigerusukkukku ataani allassimasut ilinnoortuunissaat ilimasuutigivarput:

•Attuumassuteqartumik ilinniagaqartutit. Isumaginninnermut siunnersortaasinnaavoq imaluunniit inuiaqatigiilerinermik ilisimatusarluni ilinniagaasinnaavoq imaluunniit illit nammineq suliaqarfiup iluani misilittagartuusinnaavutit

•Periusissiortartutut eqqarsarsinnaassaatit, inuttat innarligassaanngitsuussaaq sunniilluarsinnaassallutillu

•Allanngoriarnerni aqutsisutut misilittagaqassaatit

•Aaqqiissuteqarsinnaanermik eqqarsartaaseqassaatit, ineriartortitserusuttuullutit attaveqallaqqissuullutillu

•Suliaqarfivit iluani suliap suliarineqarnera, piviusunngortinnera pitsaassusaalu malinnaavigisinnaassavat

•Suliaqarfivit iluani inatsisinik suliaqarlutit misilittagaqassaatit aamma suliat qitiinik suliaqarneq qulakkeeqataaffigisassavatit

•Sullissineq nakkutigisassavat tassungalu atasunik siunnersuisarlutit kiisalu kommunip suliffeqarfiutai illit suliaqarfivit iluaniittut nakkutigisassallugit

•Taakkua saniatigut ulluinnarni unammillernartorpassuit ajornartorsiutillu tassanngaannaq takkussortorpassuit suliarisinnaassavatit. Taamaattumik illit inuttat patajaatsuullunilu sakkortuumik soqutiginnittuussaaq.

Uagut ilinnut fagkoordinatorimut ukua neqeroorutigaagut

•Atorfik namminersorfiusoq ineriartungaatsiartoq – pisortaqatigiinni nutaani pissanganartumik inissaqartitsisoq

•Illerngit nutaat aqqutigineqarnikuunngisaannartut aqqutigissallugit periarfissatsialak

•Ulluinnaq nikerangaatsiartunik akisussaaffilerujussuaq sunniuteqarfiungaatsiarsinnaasorlu

•Suleqatit soqutiginnittut pitsaasullu

•Ilinniagaq aallaavigalugu unammilligassat angisuut pissangartullu

•Aqutsinermik ilinniarnissamik inuttullu ineriartornissamik periarfissatsialaat

•Oqaloqateqarluni imaajaqatigiittarneq

•Kommunip iluani illoqarfinnut allanut nunaqarfinnullu angalanerit

Uagut pilluta

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Immikkut ittumik sammisarput pingaarneq tassaavoq eqaassuseq. Innuttaasunit tikikkuminartoorusuppugut aamma kiffartuussilluartunik sulisoqarusuppugut kiisalu kalaallit naleqartitaannut kulturikkullu tunuliaqutaannut kommunimi sulineq nalimmassarusullutigu. Aaqqissuussaanerput nutaaq pillugu uani itinerusumik atuarit: http://www.qeqertalik.gl

Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Arferit isiginnaarlugit qatsukkunnanngikkitit oqarutta upperitigut. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (arferit qimmillu qimuttut minillugit).

Akissarsiat atorfeqarnermilu atugassarititaasut

Akissarsiat atorfinitsitaanermilu atugassarititaasut (atorfininnermi soraarnermilu angalanivit akilerneqarnera pisattavillu angallanneqarnerinik akiliunneqarsinnaatitaanitit ilanngullugit) piffissami atorfiniffiviup nalaani isumaqatigiissut imaluunniit Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut naapertorlugu aalajangersarneqassapput. Atorfinitsitaassaguit qaammatini pingasuni siullerni misiliutigalugu suleqqaasaatit.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Paasissutissat amerlanerit

Apeqqutissarpassuaqassajunnarsivutit. Taamaattumik atorfik pillugu paasissutissat amerlanerit Kommunal direktør Nivi Strunz nivi@qeqertalik.gl saaffiginnillutit pissarsiarisinnaavatit.

 Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Uani malinnaagit:

Nittartagatsinni www.qeqertalik.gl

Facebookimi quppernitsinni https://www.facebook.com/Kommune-Qeqertalik-243043503252446

LinkedInimi https://www.linkedin.com/company/kommune-qeqertalik/

1. Aasiaat https://www.linkedin.com/showcase/aasiaat/

2. Qeqertarsuaq https://www.linkedin.com/showcase/qeqertarsuaq-/

3. Qasigiannguit https://www.linkedin.com/showcase/qasigiannguit/

4. Kangaatsiaq https://www.linkedin.com/showcase/kangaatsiaq