Ilaqutariinnut siunnersorti

Qaqortumi Ilaqutariinnut Sullissivimmi ilaqutariinnut siunnersortinik marlunnik Isumaginnittoqarfik sulisussarsiorpoq.

Soqutiginartumik 01. september 2024 imaluunniit erseqqinnerusumik isumaqatigiissuteqarnikkut atorfiniffiusussamik suliffissaqartippassi. Atorfik Qaqortumi Ilaqutariinnut Sullissivimmi inissisimavoq, ilaqutariinnut sullissivimmi aqutsisoq qullersarineqassalluni.

Meeqqat/inuusuttuaqqat ajornartorsiortut taakkulu ilaqutaat suliffigissallugit pingaartilluagarigukkit amigaatsigaatsigit.

Ilorraap tungaanut allannguinissamik pingaartitsivit, ilaqutariit tamakkerlugit peqataatikkumasarpigit taavalu nukissaat aallutarerusuppigit, kiisalu ilaqutariit iluanni avataanni periarfissat sammerusuppigit.

Ilaqutariinnik sullissivimmi neqeroorutitsinnik kiisalu ilaqutariit namminneq angerlarsimaffianni ilaqutariinnut siunnersuineq pillugu neqeroorutinik ineriartortitseqataarusukkuit qaallutit suleqatigilerniartigut.

Kinaana taava ujartoripput:

• Tassaasinnaavutit perorsaasutut, isumaginninnermi siunnersortitut, peqqissaanermi assistentitut, isumaginnninnermi ikiortitut ilinniarsimasoq, imaluunniit suliffimmit assingusumit misilittagalik.
• Namminersorluni sulisinnaasoq taavalu allanik qanimut suleqateqarsinnaasoq sulianik aaqqissuussillaqqissoq, ataqatigiissaarillaqqissoq, pilersaarusiullaqqissoq malinnaallaqqissorlu.
• Tamatigoortuussasutit
• Inunnik misiginneqatiginnissinnaassuseqarpusi paasinnissinnaassuseqarlusilu
• Suleqatiginnissinnaassuseqartutit, naammagittartuusutit allanillu peqataatitsisinnaassuseqartutit.
• Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit
• Nukissaqarluartuuvutit, iliuuseqarusussuseqartoq taavalu ilaqutariit allannguinissaannut ikiornissaannut soqutiginnittuullutit.
• Ilaqutariit imminnut paasinissaannut kajumissuseqalersissinnaavatit ikiorsinnaallugillu.
• Inuusuttunik oqaloqatiginnillaqqipputit aamma inuusuttut ilaasa illit inuunermik ingerlatseriaatsinnit allaanersumik inuuneqarsinnaanerat akuersaarpat.
• Ammasuuvutit inussiarnersuullutillu.
• Tusarnaarluartartuusutit taavalu isitit siutitillu ammatissinnaagitit.
• Imminut tunniunnissannut sapiissuseqartutit, ilumoorsinnaasutit.
• Suliffeqarfimmi ineriartortuartumi sulinissamut kajumissuseqarputit.
• Kalaallisut oqaaseqarnissaq piumasaqaataavoq, aamma marluinnik kalaallisut/dansk-isut oqaaseqartuuguit iluaqutaassaaq.

Akisussaaffeqarfiit:

• Ilaqutariinnik Sullissivimmut innersuunneqarsimasunut perorsaanerup tungaatigut tapersersuinissamut aqqutissiuinissamullu akisussaaffik, makku suliarinerisigut:
• Ilaqutariit namminneq angerlarsimaffiini siunnersortarlugillu aqqutissiortarlugit, ilaqutariit suleqatigalugit ulluinnarni torersumik inuulernissaannut ikiussallugit.
• Perorsaaneq, sumiginnaaneq, attaveqarneq, ilaqutariinni pisussaaffiit, inuusuttuaranngortunut ajornartorsiutit, pissutsillu allat ilaqutariit pitsaanngitsumik inooqatigiinnerannut sunniuteqartut pillugit siunnersuisarluni aqqutissiuisarlunilu.
• Ilaqutariit peqatigiinnerat malinnaavigalugu tamannalu aallaavigalugu iliuuseqarluni.
• Nammineerluni iliuuseqarsinnaassusermik suliaqarluni, ilaqutariit ajornartorsiutiminnik qaangiiniarnissaannut sakkussaannik tunillugit.
• Ilaatigooriarlutit ilaqutariit ilitsersorumallugit suliassatigut tapersersortariaqartarsinnaavatit, taamaammat ilaanni piffissap nalinginnaasumik suliffiusup avataatigut sulisariaqartarsinnaavutit
• Kommunimi avataanilu suleqatigisat assigiinngitsunik suliallit suleqatigiinnerannut peqataanerit.
• Katsorsaasoqatigiinnut tapertaanissamut peqataanissamullu akisussaaffik kiisalu Ilaqutariinnik Sullissivimmi katsorsaanermik ineriartortitsinermut peqataalluni.
• Ilaqutariit iliuusissatut pilersaarusiuunneri pilersaarutinillu nutarterisarneq
• Ilaqutariit peqatigalugit ”sullissisut” ataatsimeeqatigineri.
• Ilaqutariit peqatigalugit pilersaarusiukkanik angalanissat aaqqissuunneri aammalu/imaluunniit peqataaffigineri.
• Ilaqutariinnik Sullissivimmi pikkorissaanerni ilinniartitsineq.
• Siusinaartumik iliuuseqarnermi suliamut attuumassuteqartunik suleqateqarneq

Neqeroorutigaavut:

• Suliffik pissanganartulik unammillernartunik suliassartarpassualik.
• Suliffik pitsaasunik avatangiiseqarfiusoq, suleqatigiilluarnissamik pingaartitsiviusoq.
• Suleqatit pikkorissut tunniusimasullu.
• Oqaloqatiginnilluni oqilisaassineq
• Suliatigut inuttullu ineriartornissamut periarfissat pitsaasut.
• Suliassat isumagineqarnerannut aaqqissuunneqarnerannullu annertuumik peqataaneq.

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq isumaqatigiissutigineqassammat.

Meeqqanik pinerliisimannginnermut uppernarsaat kommunimit akuersissutitalik pineqassaaq, qinnuteqartup Politiinit pissavaa.

Akissarsiat atorfeqartitaanermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

Sapaatip akunneranut 40-timit suliffiupput.

Inissaq:

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup kinguninnguagut sulisutut inissamik innersuussisoqarsinnaanngippat sulisut utaqqiisaasumik ineqarsinnaatitaasut utaqqiisaasumik inissaminnik neqeroorfigineqassapput, tassungalu ineqarnermut, atuinermut allanullu siuliani oqaatigineqartut malillugit akiliisoqartassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Atorfik pillugu paasissutissat sukumiinerusut pissarsiarineqarsinnaapput Qaqortumi ilaqutariinnik sullissivimmi pisortaq saaffigalugu: Jakob Noahsen e-mail: jano@kujalleq.gl allaffimmi oqarasuaat: 64 54 20

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik aggustip ulluisa aqqaneq aappaat 2024 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”