Maniitsumi sulisoqarnermut immikkoortoqarfimmi suliffigissaasoq ineriartortitseqataasorlu

Qeqqata Kommunika

Maniitsoq

03-09-2024

Piffissaq atuuffissaa naassaaq: 20-09-2024

Suliffissamut ID normut: LJA-85670416

Suliassaqarfik: Atuartitsineq & Meeqqerineq, Allaffik & allaffissorneq

Qeqqata Kommuniani Sulisoqarnermut Immikkoortortami pissanganartunik suliassartaqartumi suleqatigiinnut peqataarusuppit, taamaassappat atorfimmik ilinnut inuttassarsiuussivugut. Piaartumik isumaqatigiin-nikkulluunniit pimoorussisumik piginnaasaqarluartumillu suleqatissarsiorpugut.

Qeqqata Kommuniani allaffeqarfimmi suliffeqarfiinilu aqutsisunut, Sulisoqarnermut Immikkoortortaqarfimmit siunnersuisarpugut. Sulliffigissaaneq sullivinnillu nakkutilliisoqarfimmit piumasaqaatit malinneqarnissaan-nut qulakkeerinnittussaavugut. Allaffissuarni sulisut piginnaasamikkut ineriartortuarnissaat aammalu immikkoortortaqarfinni allannguisoqartillugu malinnaasitsinissaq pisariaqarlutik, kiisalu suliffeqarfittut ilinniartoqar-nissammik pisussaaffipput isumagisussaallutigu.

Sulisoqarnermut Immikkoortortaqarfimmi suliassat salliuttagassallu ukuupput:

• Suliffigissaanermut tunngassuteqartut
• APV/MTU-mik misissuinerit
• Pikkorissarmut tunngasut
• Ilinniarnermut tunngasut
• Mindkey (sulisunut tunngatillugu sullissivik)
• Ilinniartulerineq/ilinniartussarsiorneq
• Naleqartitalerineq/anguniagassalerineq

Neqeroorutigissavarput:

• Atorfik suliatigut inuttullu unammillernartunik annertuunik toraagassaqarfiusoq.
• Sulisoqarnermut Immikkoortortaqarfimmi suleqatit piginnaasaqarluartut peqatigalugit ineriartortitseqataaneq.
• Tatigeqatigiiffiusumik pitsaasunik atugaqarluni suleqatigiinneq.
• Ineriartornissamut periarfissat.

Naatsorsuutigaarput:

• Sulisoqarnermut Immikkoortortanut allaffisornikkut tunngasunik, imaluunniit ineriartortitsinermut suliffigissaanermullu tunngassuteqartunik misilittagaqartutit.
• Ajunngitsumik inunnutisiginnittuusutit, ilinnullu tatiginnilersitsisinnaassuseqartutit
• Aalajaatsuusutit/ sulilluartuusutit.
• Marlunnik oqaasilimmik (kalaallisut/danskisut) piumaneruvugut.

Suliffik ulapiffiuvoq, suleqatigiligassarput piumasaqaatitsinnut tulluuttunik piginnaasalik utaqqisinnaavarput. Sulisoqarnermut Immikkoortortami sulisut arfineq-marluuvugut, sisamat Sisimiuni inissisimallutik, Maniitsumilu pingasut inissisimallutik, illit ilanngullutit. Kiisalu allaffimmiunngorniat illoqarfinni taakkunani inissisimapput. HR-imi pingaartitatta ilagivaat nuannaarneq, isertuanngissuseq, toqqissisimaneq torersumillu pissuseqarnissaq.

Akissarsiat atorfininnermilu atugassarititaasut:

Akissarsiat sulinermilu atugassarititaasut, matumani akiliunneqarluni angalaneq, pequtillu angallanneri ilanngullugit, Naalakkersuisut aamma Atorfillit Kattuffiata/AK-p akornanni Namminersorlutik Oqartussat Kalaallillu kommuuniisa akornanni sulisunut ingerlatsinermi isumaqatigiissutit naapertorlugit pissaaq.

Inissaqartitsisoqarsinnaavoq, tamatumanilu malittarisassat atuuttut naapertorlugit akiliuteqartoqartassalluni.

Pinerlussimannginnermut uppernarsaat:

Atorfik una pinerlussimannginnermut uppernarsaammik paasiniaanissamut inatsimmi pisussaatitaavoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinit-toqarsinnaavoq. Taamaattumik malugeqqussavarput kommunep Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut paasissutissat annertunerusut Sulisoqarnermut pisortamut Mikol Poulsenimut, oqarasuaat (+299) 86 73 27, e-mail: mikn@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik paasiniaavissanillu innersuussanik ilalerlugu nassiunneqassaaq.