Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Airport Briefing Officer (Havnebetjent)
10-09-2024
Piffissaq atuuffissaa naassaaq: 01-10-2024
Suliffissamut ID normut: LJA-85681041
Suliassaqarfik: Allaffik & allaffissorneq
Nunat assigiinngitsut akornanni avatangiiseralugit susoqarfiulluartumilu atorfimmik pissanganartumik ujarleruttorpit? Taamaappat Mittarfeqarfik Kangerlussuaq suliffissat piareerpaa. Mittarfik Kangerlussuarmi Airport Briefing Officer`imik pissarsiorpugut, piaartumik imaluunniit isumaqatigiissuteqarnikkut sulilersinnaasumik.
Suliassat
Suliassatit pissanganartuupput tamatigoortuullutillu ullullu tamaasa assigiinnavianngillat.
Suliassat ilaatigut makkuussapput:
- Timmisartut nalunaarsuiffii Airport 20/20`mi suliarinissaat
- Timmisartuussinissami ilitsersuutit aserfallatsaaliornissaat
- Timmisartuussinermut nalunaarutinik aallakaatitsinissat pilotillu pisunik silassamillu nalunaarfigisassallugit, pilotit timmisartuussinissamik pilersaarutinik eqqortumik immersuinissamik ilitsersornissaat isumagissallugu
- Ullormut timmisartuussinissamik pilersaarutaasut nakkutigalugit
- Malittarisassat atuuttut naapertorlugit akitsuutinik akiliutinillu akiliisitsiniummik sananissaq. Mittarfeqarfiup atuisartui pitsaanerpaamik sullinneqarnissaat isumagissallugu
- Charter`it nalliuteruttorfiini sullissineq (maj-sep)
- Nunap iluani timmisartuussinissat kiisalu nunarsuarmioqatigiinnut timmisartuussinissat passunnissaat
Piginnaasat
- Timmisartuussinermut ilisimasaqarnissaq pitsaaqutaassaaq kisianni piumasaqaataanani
- Suliffimmut tunniusimasoq tatiginartorlu, sulinermullu piffissarititaasut suliassanullu assigiinngitsunut nuannarinnittoq
- Oqaatsinut piginnaasaqarnissaq: Tuluttut, qallunaatut, kalaallisut (Tuluttut allattariarsornermut oqalunnermullu piginnaasaqarluarnissaq )
Mittarfeqarfiit neqeroorutigaat
Suliffeqarfik pissanganartoq ineriartorfiulluartoq, sulisuminnut sulinermik ajunngitsorsiassanik pingaartitsisoq aamma sulisut ataqatigiilluarnissaannik pingaartitsisut.
Paasissutissiineq annertunerusoq:
Ilisimaneqartutut Air Greenland Kangerlussuakkut atlantikkut timmisartuussisarnini novembarip 28-ani 2024 unitsilerpai, tamannalu pissutigalugu qinnuteqartut maluginiassavaat suliassaasut ullormi pineqartup kingorna allannguuteqassammata. Suliassat allat soorlu Security, check-in aamma allatigut allaffissorneq aamma pineqarsinnnaapput.
Isumannaallisaanermi akuerineqarneq:
Atorfeqalersinnaanermut isumannaallisaanermi akuerineqarnissaq piumasaqataavoq. Taamaammat pinerluuteqarsimasunik nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq.
Atorfininnissamut piumasaqaatit
Isumaqatigiissutit atuuttut naapertorlugit atorfinittoqassaaq. Isumaqatigiissuteqarnikkut sulilertoqarsinnaavoq.
- Malittarisassat atuuttut naapertorlugit sulilerneq soraarnerlu ingerlanneqassaaq
- Pisattanik assartuineq malittarisassat atuuttut naapertorlugit ingerlanneqassaaq
- Sulinngiffeqarluni akeqanngittumik angalatitaaneq malittarisassat atuuttut, isumaqatigiissutit atuuttut, naapertorlugit
- Malittarisassat atuuttut malillugit ineqartitaaneq
- Suliffimik piffissarititaasut nikerartuupput, sapaatip akuneranut akunnerit 40-ut weekend aamma nalliuttut ilanngullugit
- Oktoberip aallaqqaataani 2024 isumaqatigiissuteqarnikkulluunniit atorfinissinnaavoq
Paasisaqarnerorusukkuit
Atorfigiligassatut periarfissaasumut paasisaqarnerorusukkuit imaluunniit atorfimmut tunngatillugu apeqqutissaqaruit, tikilluaqqusaavutit Administrationschef Tage Johansen attavigissallugu oqarasuaammi +299 38 18 28 / 52 45 08 imaluunniit mail-ikkut: Tjo@mit.gl / tjo@airports.gl
Naliginnaanerusumik apeqqutissaqaruit HR-immikkoortortamut mail-ikkut nassiussinnaapput uunga: hr@mit.gl / hr@airports.gl
Paasisutissanik sukumiinerusunik uani nittartakkatsinni nassaarisinnaavatit: www.mit.gl
Soqutiginnippit?
Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, online aqqutigalugu ataani tuugassaq toorlugu kingusinnerpaamik 01-10-2024.
Qinnuteqaatit E-mailikkoortut tiguneqarnavianngillat.