Paamiuni Pilersitsivimmut saffiooq

Kommuneqarfik Sermersooq 15. januar 2025 aallarnerfigalugu Paamiuni Imarsiornermik Ilinniarfik suleqatigalugu tunisassiornermut assigusumik sannavimmi ilinniartitaanermik, Pilersitsivimmik taasamik, aallartitsissaaq. Taamatut aallartitaqarneq inuusuttunik ingerlariaqqitsitsiniaanermik suliniuteqarnermi suliniutit ilagaat, suliniummi inuusuttut 18-iniit 25-inut ukiullilt atuartuutigineqartarnissaat siunertaavoq. Pilersitsvik Majoriap ataani sammisassatut toqqagassaassaaq, suliniut ilaatigut imarsiornerup iluani toqqaannarluni ilinniagaqalernissamut aqqutaasinnaassaaq. Pilersitsivik Paamiut kommunimi innuttaasunut neqeroorutaavoq. Saffiuunngortussap Pilersitsivimmi Imarsiornermillu Ilinniarfimmi atuartut atuartittassavai.

Majoriami taassumalu ataani immikkoortortaqarfinni sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat ukua peqataaffigiumallugit akuersaarsimassavaat:

·Suliamut ilisimasaqarneq – tulluartumik qaffasissusilimmik suliaqarsinnaaneq

·Inuiaqatigiinnut isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq

·Naammassinninneq – Pingaarnertut suliamut angusaqarluarneq

·Ataatsimut isiginninneq – Majoriap ataatsimoortuunerata takusinnaannera

·Iliuussissamik pilersaarusiorneq – Majoriamut tunaartanik sinaakkutinillu inissitsiterineq

·Attaveqatigiinneq – ilutsinni avammullu oqaloqatigiittarneq

·Ineriartorneq – inuit, ingerlariutsit aaqqissuussaanerlu nakussassarlugit

·Atuartitsineq ilinniartitsinerlu taavalu siunnersuineq – Pingaarnertut suliassaq suliarilluarlugu

Taamaattumik illit Pilersitsivimmi atuartitsisuussaatit inuiaqatigiit ineriartornerat ilutigitillugu sulisussatut pisariaqartinneqartunik, ineriartortitsinermik suliaqassallutit.

Taamaattumik Paamiuni Pilersitsivimmi faglærerimik Imarsiornermut Ilinniarfiup sannaviani atuartitsisuusussamik 1. december 2024 isumaqatigiissuteqarnikkulluunniit atorfinittussamik pissarsiorpugut.

Pilersitsivimmi siunertarineqarpoq:

·Paamiuni (oqaatsitigut nukissatigullu) pissutsinut naleqqussarsimasunik inuusuttullu ataasiakkaatpisariaqartitaannut naleqqussakkanik aallartisarnissamut neqeroorisinnaaneq, Neqeroorut sulinermik, ulluinnarni aaqqissuussaasumik, misilittakkanik nutaaliornermillu tunngaveqartoq

·Sumiiffimmik inuusuttut assigiinngitsunik suliatigut misilittaaffigisinnaasaannik pilersitsineq

·Inuusuttut ilinniagaqalernissaannut nalinginnaasumillu suliffissaqarnermut periarfissaannik pitsanngorsaaneq

Pilersitsimmi pingaarnertut anguniagaapput:

·Inuusuttut inuttut suliatigullu ineriartornissaannut inerikkiartornissaannullu tapersersorlugit

·Inuusuttut kajumissaarlugit angusaqarfiulluartussamik anguniagaqarluartumillu sulineq nukittuffiilu annertusarlugit

·Avatangiisinik toqqissisimanartunik isumassarsiorfiulluartunillu pilersitsineq

·Inuusuttut ilinniagaqalernissaannut suliffeqalernissaannulluunniit piareersassallugit

Sullitassat:

·Inuusuttut 18-it 25-llu akornanni ukiullit

·Inuusuttut ilinniakkamik aallartitsisimanngitsut imaluunniit ilinniakkamik taamaatitsisimasut

·Inuusuttut ingerlariaqqinnaveeqqasut

·Inuusuttut assassornikkut suliassanik suliaqarsinnaasut, kiisalu piniarnermut aalisarnermillu inuussutissarsiuteqalernissamik soqutigisaqartut

·Inuusuttut inuttut, inooqataanikkut imaluunniit peqqissutsikkut peqquteqarlutik sulilernissaminnut imaluunniit ilinnialernissaminnut piareersimanngitsut

Suliassat akisussaaffiillu pingaarnerit:

·Atuartut nutaat tikilluaqqullugit ulluinnarnilu suliniuteqarnerni aquttassallugit

·Inuusuttut takkuttartut nalunaarsortarlugit nakkutigalugillu

·Inuusuttut ataasiakkaatut pisariaqartitaannut sulliviullu pingaarnertut anguniagaanut naapertuuttumik ilinniartillugit, aqqutissiuullugit kajumissaarlugillu

·Sullivimmi inuusuttunut qullersatut inissisimaneq

·Inuusuttut angajoqqaavi, sullivimmi sulisut, Majoriami aqutsisutallallumi attaveqarfigisarlugit

·Sulliviup suleqatigisartagaanut attaveqaataaneq

·Inuusuttut Pilersitsiviullu ulluinnarni ingerlanneqarnera pillugit Pilersitsivimmi Imarsiornermillu Ilinniarfimmi sulisut allat peqatigalugit pilersaarusiorneq

·Pilersitsivimmi aqutsisuusoq qaninnertut qullersarisaasoq suleqatigalugu pilersaarusiorneq

Inuttut piginnaasat:

Qinnuteqartuni toqqaanermi pingaartinneqarput

·Inuusuttunik isumassorneqarlutillu kaammattorneqartariaqartunik sullissinissamut piareersimasuti

·Saffiuutut allatulluunniit siunertamut naleqquttumik ilinniarsimassasutit misilittagaqarlutillu

·Naammagittartuussasutit, anguniagaqartuussasutit angusanillu takorusuttuussasutit

·Suleqatiginnillaqqittuunissat ilakkuminartuunissallu

·Pisuni ulapaarfiusuni eqqissillutit suliaqarsinnaassasutit

·Ilikkartitserusuttuusutit

·Misilittagaqassasutit – inuttutinuussutissarsiuteqarnikkullu – misilittakkatillu naapertorlugit inuusuttut piginnaasaannik takunnissinnaallutit taakkulu inussiarnerlutit, aalajangersimallutit tutsuiginartuullutillu oqaloqatigilluarsinnaallugit

·Imigassamik aanngajaarniutinillu atornerluisuunngitsutit, naatsorsuutigineqarsinnaasuusutillu

·Kalaallisut oqaaseqaartuusutit

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

Inersimasunik atuartitsinermut immaqa aamma aqqutissiuussinermut pikkorissartassaatit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Centerlederi Naja Jakobsen, oqarasuaat +299 36 66 04 imaluunniit e-mail: najk@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1153-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.