Immikkoortortami aqutsisoq

Ilulissani immikkoortortaqarfik, meeqqanik innarluutilinnullu sullissisunut allaffimmi aqutsisoq

Atorfik Avannaata Kommuniani Ilulissani Ilaqutareeqarnermi immikkoortortaqarfimmi meeqqanut, innarluutilinnullu sullissinermut aqutsisoq inuttassarsiorneqarluni saqqummiunneqartoq 1. december 2024 aallarnerfigalugu imaluunniit isumaqatigiissutigineqarnikkut aallartittussamik inuttassarsiunneqarpoq.

Meeqqanut, innarluutilinnullu sullissinermut aqutsisutut atorfik Ilulissani inissisimavoq. Ilaqutareeqarnermut immikkoortortap iluani meeqqanut, innarluutilinnullu sullissinermut sulianut aqutsisoq Ilaqutareeqarnermut Ingerlatsivimmi meeqqanut, innarluutilinnullu sullissinermut suliamut tunngassuteqartumut pisortamut toqqaannartumik attaveqartussaavoq.

Suleqatinut qaninnerpaanut akisussaaffiit ilaatigut makkuussapput:

• Meeqqat tapersersorneqarnissaannut, aammalu innarluutilinnut inatsisinut atuutitsinermut qulakkeerinninneq.
• Inuttaasut saaffiginnissutaat kiisalu qinnuteqaataat pillugit inuttaasup sullinneqarneranut pitsaasumik ingerlatitsineq.
• Isumaginninnikkut inatsisit maleruaqqusallu toqqammavingalugit meeqqanut innarluutilinnullu sullissisunut ilitsersuineq siunnersuinerlu.
• Ilaqutareeqarnermut ataatsimiititaliartunut sulianut tunngatillugu misissueqqissaarneq qulakkeerinninnerlu.
• Suliat pillugit sullissisunut ataatsimeeqatiginninneq.
• Akimortumik suleqatigiinnut ataatsimiisitsineq. (peqqinnissaqarfik, atuarfeqarfiit, politeqarfik, meeqqeriveeqarfiit, il.il)
• Inuusuttunut orninguttarfiup (ungecenter) ingerlanneqarnerani, kiisalu ilaqutariit illuata ingerlanneqarnerani akisussaasuuneq.
• Ilaqutariinnut aqqutissiuussinerup familierådslaning samordnerinut akisussaasuuneq
• Akunnerni pisortaasut sullissisullu uteqqiineri, oqaaseqaatai, isornartorsiutaat kiisallu isumassarsiai taavalu kissaataat isumaginninnikkut qitiusumut isumaginninnikkullu ataatsimiititaliamut uterteqqinneqartarnissaat isumagalugit.
• Suliffiup avataaniit suleqatigiinniit taavalu oqartussaniit (tamatuma ataani pingaartumik naammagittaalliuuteqartitsivimmi oqartussat) attaveqaqatigiinnerat akunnerni pisortat taavalu sullissisut akornanni ingerlanneqartarnissaa isumagalugu kiisalu inatsisit atuuttut naapertorlugit qanoq attaveqaqatigiinnermik ingerlatsisoqarsinnaaneranik suleqatit pisari-aqartitsineratigut siunnersorlugit kiisalu kommunimi politikki maleruagassallu naapertorlu-git ingerlanneqartarnera.
• Ukiumut suleqatigiit ineriartorneranni oqaloqatiginnittarnerit (MUSsamtale) taavalu pikkorissartarnerni peqataasarnissaat isumagalugit, ilinniartitaanerni, isumasioqatigiinnerni, ataatsimeersuarnerni taavalu attaveqaatitigut ataatsimiinnerit

Piginnaasat:

• Inunnik isumaginninnermi siunnersortitut ilinniagaqartuuvutit – sapinngisamik aningaasaqarnermut aamma isumaginninnermi inatsisinut tunngasunut tunngasutigut pikkorissarsimasutit (imaluunniit pikkorissarnerit taama ittut ingerlannissaannut piumassuteqartutit).
• Inunnik isumaginninnermi aamma ilaqutariinnik sullissinermi annertuunik ilisimasaqartutit.
• Inunnik isumaginninnermi aamma ilaqutariinnik sullissinermi allaffissornikkut aqutsinermi misilittagaqartutit.

Inuttut piginnaasat:

• Suliassanut pitsaasumik ersittumillu malinnaasinnaaneq.
• Akisussaassuseqarneq.
• Pitsaasumik suleqatiginnissinnaaneq, matumani suliassaqarfiit assigiinngitsut ilanngullugit.
• Suliani oqimaatsuni, pitsaasumik isummersuisinnaaneq, siunnersuisinnaaneq ilitsersuisinnaanerlu.
• Pisuni ilungersunartuni pitsaasumik malinnaanissamik attassiinnarsinnaaneq.
• Missingersuutit naatsorsuutillu suliarineqartarnerannut ilisimasaqarluarneq.
• Inunnik isumaginninnermi inatsisinut ilisimasaqarluarneq.
• Kalaallisut danskisullu allassinnaaneq oqalussinnaanerlu.
• Tarnikkut nukittuujuneq.
• Tulleriiaarillaqqinneq misissueqqissaallaqqinnerlu.
• Isumaqatiginninninniallaqqinneq (pingaartumik ingerlatsinermut atatillugu).
• Misiginneqataasinnaaneq.
• Maligassiusinnaassuseqarneq pissusilersortarnermut tunngasutigut.
• Pitsaasunik attaveqartarnermi piginnaasaqarneq.
• Suliassanut tunngatillugu sunniuteqarluarsinnaaneq aamma pitsaasumik angusaqarusussuseqartumillu ingerlatseriaaseqarneq.
• Tamakkiisuusumik isiginnittumik isummeriaaseqarneq.
• Eqaatsumik suleriuseqarneq.
• Tusarnaarsinnaaneq, ammasuuneq, suleqatissarsiorsinnaaneq.

Akissarsiat aamma atorfininnermi atugassarititaasut:

Akissarsiat aamma atorfininnermi atugassaarititaasut, kommunip aamma isumaqatigiissutinut isumaqatigiissuteqarsinnaatitaasut kattuffiit akornanni isumaqatigiissutit naapertorlugit pissapput.

Inissaqartitsisoqarpoq.

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.

Atorfik pillugu annertunerusumik paasissutissat pissarsiarineqarsinnaapput, meeqqanut, innarluutilinnullu suliamut tunngassuteqartumut aqutsisoq Johansine Rosbach-mut oqarasuaat 38 55 86 imaluunniit e-mail: jor@avannaata.gl aqqutigalugit

Avannaata kommuniata nittartangaani qinnuteqarfissaq atorlugu qinnuteqaatit nassiunneqassapput.