Ilinniartitaanermut suliassaqarfimmi tamarmi piginnaasumik piumassusilimmillu suleqatissarsiorpugut. 
Atorfik nutaajuvoq ATTAT/Ilinniartitaanermut Aqutsisoqarfik aamma Kivitsisap suleqatigiinnerinik pitsanngorsaataasussaasoq ukiuni makkunani sakkortusarneqaleruttorpoq.  Atortut suliffeqarfiillu akimorlugit teknikkikkut paasisimasaqarfigissavatit. 
Ilinniartitaanermut Aqutsiveqarfimmi it-mut immikkoortumut ilaassaatit immikkoortumi it-mik ataqatigiissaarisoq suleqatigilluinnarlugu.  Taakku saniatigut Kivitsisap allattoqarfia Kivitsisap ineriartortinneranut aaqqiissutissarsiorneranik ulluinnarnilu ingerlatsineranik qanimut suleqatigissavat.   
Atorfik ilinniartitaanermi qarasaasialerinernik tamalaanik suliassaqarfiussaaq. Teknikkikkut suliassanik ingerlatsinerussaaq atortut ingerlanneqarnerat isumagineqarluni ajutoortoqartillugulu aaqqiiniartoqartassalluni.  Taakku saniatigut suliassanik ataqatigiissaarineq ingerlaterteqqiinerlu pillugit suliaqartoqartassaaq, atuarfinni atuisut aqutsisullu ilinniartinneqassallutik isumasioqatigiissinneqartassallutillu.   Kiisalu ineriartortitsinermik suliassaqartassaaq aaqqiissutissat nutaat ujartorneqarlutillu atuutsilerneqartassallutik. 

Makkua suliassarivatit:

• JAMF-imik, Apple School Managerimik, Showbie-mik meeqqallu atuarfianni it-mik atortut ilaannik iPad-inik tunngavilinnik ingerlatsineq ikorfartuinerlu.
• Microsoft 365-mik atuinermi ikorfartuineq
• UMS-imik (User Management System) atuinermi ikorfartuineq
• Atuarfiup teknikeriinik ingerlaavartumik attaveqarneq, isumasioqatigiinneq ataatsimeeqateqartarnerlu
• Kivitsisap allattoqarfia suleqatigalugu piginnaanngorsaqqiinermik inerisaanermik aaqqissuussineq
• Avataanit ikorfartuisut, it-mik suliffeqarfiit Tusass-imillu ingerlaaveqartumik attaveqarneq isumasioqateqarnerlu
• Atuarfinni teknikerinik nutaanik aallartilluarnissaannut ilitsersuussineq

Inuk ukuninnga piginnaasalik ujarparput: 

• IT-mut attuumassutilinnik ilinniagalik
• iPadsinut, Microsoft 365-mut aamma ilinniatsitsinermut suliassaqarfik (qulaani atortut programmillu tamaasa ilisimasariaqanngilatit)
• Ataqatigiissaarillaqqissoq, ingerlaterteeqqillaqqissoq suleqatikkuminartorlu
• IT-mik atortunik inunnillu assigiinngitsunik suleqateqarusuttoq.

Neqeroorutigisinnaavagut:

• Suliffeqarfitsialak, suleqatigiinni marluusuni annertuumik namminersorfiulluartoq.
• Sukumiisumik aallartilluarnissamut piareersarneq pikkorissarnernik allagartartaanernillu sulilernermi pissarsiffiusussaq
• Piginnaasanik ingerlaavartumik inerisaaneq.

Ilinniartitaanermut Aqutsisoqarfik Namminersorlutik Oqartussat Qitiusumik Allaffeqarfiata ataaniimmat suliassat ilinniartitaanermut tunngasunik nalinginnaasumik suliassanik piffissap ilaani ilaqartarsinnaapput. Taamaattumik politikkikkut aqunneqartumik sulinermik misilittagaqaruit iluaqutaasaaq.
Kalaallisut, qallunaatut tuluttullu oqalussinnaanissat allassinnaanissallu iluaqutaassaaq, piumasaqaataanngilarli.
Una atorfik inuttalerneqariarpat Ilinniartitaanermut Aqutsisoqarfimmi IT-mik suliaqartut inuit marluulissapput.
Atorfimmut atatillugu angalasoqartarsinnaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.