Nunaqavissut sulisussat illersorniarlugit, Kalaallit Nunaanni sulinissamut kalaallit sulisussat salliusussaatitaanissaannik qularnaarussisussamik inatsisiliortoqarsimavoq.
Qanoq iliorlunga qinnuteqassaanga?
Immersugassaq uani nassaarineqarsinnaasoq immersorlugu qinnuteqarsinnaavutit.
Suut eqqumaffigissavakka?
Maani suli.gl-imi suliffissamut ussassaarummik sanasimassaatit. Tamatuma kingorna immersugassami paasissutissat tamaasa allallugit immersuinissat pingaaruteqarpoq. Pingaartumik Suliffissamut ID aamma suliffissamut ussassaarummut linki pingaaruteqarput, taamaanngippat qinnuteqaat suliarineqarsinnaassanngilaq.
Qinnuteqaat nassiukkukku qanoq pisoqassava?
”Nassiuguk” tooreerniariarukku avataaneersumik sulisoqarnissamik qinnuteqaateqarnernut uppernarsaatitut e-mail-imik tigusaqassaatit. Aamma suliffissarsiuussisarfimmut illit toqqarsimasarnut e-mail nassiunneqassaaq. Qinnuteqaat suliarineqareerniariarpat attaveqarfigineqassaatit. Sapaatip akunnerata ataatsip iluani tusagaqanngikkuit erseqqinnerusumik paasiniaaniarlutik suliffissarsiuussisarfik attaveqarfigisariaqassavat.