Suliffeqarfiup aamma atuisutut ilanngutsinnissamut immersugassaq immersorlugu suliffeqarfiit Suli.gl-imi sukkasuumik ilanngutsissinnaavat.
Suliffeqarfiit
Allaffissami 'Ilisarnaatip allaffissaa' suliffeqarfiit suliffissarsiortunut naatsumik nassuiarneqarpoq. Uani suliffeqarfinnut assersuutit takusinnaavatit. Ilisarnaatip allaffissaa oqaatsit assigiinngitsut atorlugit immersorneqarsinnaavoq. Allaffissat qulaanni erfalasut toorlugit oqaaseq allannerni atorniakkat toqqarsinnaavat.
Logo
Suliffeqarfernut logo ikkussinnaavat, taanna suliffeqarfiup quppernerani takuneqarsinnaassaaq, aammalu suliffissanut allagarsiinerni atorsinnaassavat. Tassani taamatuttaaq logo ujaasinerup inernerisa allassimaffianni suliffissamut allagarsiussami, kiisalu jobagent-ini suliffissarsiortumut nassiunneqartuni, takutinneqassaaq.
Suliassaqarfiit
Suliassaqarfiit suliffeqarfippit iluaniittut ataaseq arlallilluunniit ilanngussinnaavatit. Suliassaqarfiit taakkua suliffissamut allagarsiigaanni, kiisalu suliassaqarfiit suliffissarsiortut ujaasivigisaasa akornanni toqqarneqarsinnaasut assigaat. Suliassaqarfimmik ilanngussiniaraanni suliassaqarfik pineqartoq ikkussiffissami toqqarneqassaaq, tamatumalu kingorna tuugassaq '+' toorneqassalluni. Tamatuma kingorna ikkussiffissami suliassaqarfiit arlallit ilanngutsinneqarsinnaapput, aammalu tuugassaq '+' toorneqassalluni. Ikkussiffissap ataani allattorsimasuni tuugassap 'X' toorneratigut suliassaqarfiit peerneqarsinnaapput.
Atuisumut paasissutissat
Suliffeqarfimmi atuisutut atit tamaat aamma sulifferni e-mail atorlugit nalunaarsussaatit. Tamatuma kingorna tamanna pisariaqartinneqarpat ilissi kontussinni atuisut allat ilanngutsinnissaannut ikiorsinnaavatsigit.
Ilitsersuut PDF-nngorlugu aajuk
Ilitsersuut PDF-nngorlugu aajuk