Suli.gl-imi allagarsiinerit – Kalaallit Nunaat tamakkerlugu suliffissanut nittartagaq

Sunniuteqarluartumik siunnerfilimmillu suliffissanut ussassaarineq
Suli.gl-imi suliffissamut ussassaaruteqarlutit qinnuteqartuusinnaasunut siunnerfilimmik attaveqassaatit.

Akeqanngilaq
Suli.gl-imi ussassaarineq suliffeqarfernut akeqanngilaq. Taamaattoq atuisutut ilanngussinnaanissarnut Inuussutissarsiornermut nittartakkami nalunaarsorsimasuunissat pisariaqarpoq.

Qinnuteqartussanut eqqortunut attaveqarit - aamma suliffeqareersunut
Suli.gl-imi suliffissamut ussassaarummik ikkussiguit, siullermik pingaarnertullu suliffissarsiortutut nalunaarsorsimasut eqqussavatit. Kisianni siunissami aamma suliffissarsiortutut nalunaarsorsimanngitsut eqqussavatit, tassani taakkua maani Suli.gl-imi atuisunut ilanngunnissamik kaammattorneqassapput. Tamatuma kingunerisaanik qinnuteqartuusinnaasunut suli amerlanerusunut oqariartuutitit anngussinnaalissapput.

Taamaallaat 5 minutsinik sivisussuseqarpoq
Maani Suli.gl-imi atuisunngorneq ajornanngitsuararsuuvoq. Tuugassaq ”Atuisoq nutaaq” talerpiatungaaniittoq tooruk aammalu atuisunut ilanngullutit. Suliap ingerlanerani tassani Inuussutissarsiornermut nittartakkamit paasissutissat ilinnut tunngasut uppernarsarneqarnissaannut aperineqassaatit. Tassanngaaniit suliffeqarfiit atuisunut ilanngutsissinnaavat, kiisalu atuisoq tamatuma kingorna isersinnaalissaaq aammalu suliffissamut ussassaarummik ikkussisinnaalissalluni.

Apeqqutissaqarpit?
Apeqqutissaqaruit imaluunniit atorfimmut ussassaarutinut il.il. tunngatillugu ikiorneqarnissaq pisariaqartikkukku, tamatigut ikiuuttussatsinnut uani suli@nanoq.gl toqqaannartumik allassinnaavutit.