sullissivik.gl
Atorfimmut ussassaarummut oqaatsinut allanut nuunniarlutit tooruk
kalaallisut (Kalaallit Nunaat)
KNI A/S

Nunap immikkoortuani pisortaq Pilersuisoq – Region Avannaa

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni qaffakkiartorusullutit? Taava maannakut periarfissaqalerputit.

Pilersuisoq angusaqarusussusilimmik kajumissaarisinnaasumillu Avannaani Nunap immikkoortuani nutaamik nunap immikkoortuanut pisortassarsiorpoq pisiniarfiit aqqaneq-marluk ingerlanneqarnerinut akisussaasussamik.

Pisiniarfiit akisussaaffigiligassat Siorapalummiit Upernavik-Kujallermoorput. 

Ingerlatsinermi pisortaq qaninnertut pisortarissavat kiisalu Nunap immikkoortuini allani tallimaasuni pisortaasut kiisalu Amerlasuukkaanik nioqquteqarnermi pisortaq peqatigalugit Pilersuisumi aqutsisoqatigiinnut ilaassallutit.

Uagutsinnut pingaartuuvoq pisiniarfiit ulluinnarni ingerlanneqarnerinut qanittumiinnissat, taamaattumik pisiniarfitta anginerit ilaanni Upernavimmi suliffeqassaatit.

 

Atorfik pillugu

Nunap immikkoortuani pisortatut suleqatinnik coacherisinnaassaatit.

Sulisutit siuttuuffigalugit kajumissaarnissai merserinngilat kiisalu pisiniarfiit qularnaatsumik ingerlanneqarnissaat pisisartullu pisiniarnerminni pitsaasumik misigisaqartinnissaat merserinngilat.

Suliassat naammassinissaasa tungaanut malinnaavigisarpatit pisiniarfiillu akisussaaffitit tuniniaanissaminnut piareeqqanissaat isumagiuassavat, soorunami tamanna pissaaq nunami immikkoortorisanni niuertut/pisiniarfiit pisortaat suleqatigalugit.

Ukiup ingerlanerani nunap immikkoortuani pisiniarfinnut alakkaallutit angalasarnissat naatsorsuutigissavat.

Angalasarnissat qilanaarutigiinnarsinnaavat, tassami sulisut pikkorissut ilassilluassagaatsit neriorsorsinnaavatsigit.

Makku aamma akisussaaffigissavatit:

  • Nunap immikkoortuani pisiniarfiit ingerlanneqarnissaat qulakkiissavat
  • Sulisutit sungiusartissavatit, ilinniartissavatit, aqussallugit kajumissaassallugillu
  • Missingersuusiorneq ingerlatsinermilu akisussaaneq
  • Kisitsisinik aallaavissanik malinnaaviginninneq nunallu immikkoortuata anguniagaanut atorlugit
  • Inatsisit atuuttut malinneqarnissaat qulakkeerlugu
  • Sulisoqarnermut immikkoortortaqarfik suleqatigalugu sulisussarsisarnissaq
  • Pisiniarfiit ulluinnarni ingerlanneqarnerini suleqataaneq.

Ilinnut tunngasut

Naleqquttumik aqutsisutut ilinniagaqartuuvutit unammillerfiusumillu sulisimallutit, kiisalu sulisut pitsaasumik angusaqarnissaanni iluatsittumik kajumissaariffiusumillu aqutsisuuffiginikuullugit.

Immaqa massakkut pikkorissuullutit angusaqarusussuseqartuullutillu Pisiniarfimmi pisortaavutit, niuertuullutit imaluunniit suliffeqarfimmi periarfissarpassualimmi anguniagarfiulluarsinnaasumilu sulilernissamut qaffassarnissamullu tunuliaqutaqarputit nutaamillu misilitaqarusullutit.

Taakku saniatigut naatsorsuutigaarput:

  • Misigittartuussasutit, kajumissaarillaqqissuussasutit kiisalu akuersaarnartumik aqutseriaaseqartuusutit.
  • Akisussaassuseqarluartuullutit suliassanik suliakkiutiginnissinnaasutit naammassinissaasalu tungaanut malinnaavigisinnaagitit
  • Angusaqarusussuseqartuusutit niuillaqqissuullutillu
  • Kiffartuussilluarumasuusutit pisiniarfimmilu pisiniarnermi pitsaasunik atugassaqartitsisinnaasutit

Neqeroorutigaavut

  • Piginnaasat naapertorlugit isumaqatigiissuteqarnikkut akissaateqartitaaneq orniginartoq

  • Soraarnerussutisiassat

  • Sulisunut inissiaq

  • Sulilernissamut suliunnaarnermilu akiliunneqarluni angalaneq

  • Sulinngiffeqarnermi akiliunneqarluni angalanermut tapit

  • Peqqinnissamut sillimmasiineq

 Atorfimmut soqutiginnillutit paasisaqarnerorusukkuit maannakkut Nunap immikkoortuani pisortaq Ole Løvstrøm sianerfigisinnaavat oqarasuaammut +299 53 21 45  mailerfigaluguluunniit uunga  olo@kni.gl, imaluunniit Pilersuisup pisortaa Niels Andersen oqarasuaammut sianerfigalugu +299 52 25 44 mailerfigaluguluunniit uunga nan@kni.gl

 

Qinnuteqaat

Qinnuteqaat ilinniarsimanermut siusinnerusukkullu sulisimanermut allattukkanik imalik (CV), aammalu misilitsissimanermi uppernarsaatit naleqquttut ilanngullugit tigoreersimassavavut kingusinnerpaamik ulloq 1. marts 2018 uungalu mailissaatit jobs@kni.gl.

 

Atorfik sorleq qinnuteqarfiginerlugu ersarissumik allassavat.

Nalilersuereerutta atorfinitsitsisinnaanermut atatillugu suliffigisimasavit attaviginissaani paasissutissat pineqaatissinneqarsimannginnermullu uppernarsaat nassiuteqqussavavut. 

Pisariaqalissappat siumungaaq ilisimatinneqassaatit.

 

 

Pilersuisoq suliffeqarfissuarmut KNI-mut atavoq. KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartitttarpai. Tamannalu ingerlanneqarpoq Pilersuisoq, Polaroil, KNI Engros, Duty Free, Pisisa aamma Neqi A/S ingerlatsiviginerisigut.

Pilersuisoq/KNI pillugu paasisaqarnerorusukkuit www.kni.gl-mut iserlutit paasisassarsiorsinnaatutit.

 

KNI A/S
J.M. Jensenip Aqq. 2
3911 Sisimiut
Oqarasuaat:
+299862444
E-mail:
Nittartagaq: