sullissivik.gl
Atorfimmut ussassaarummut oqaatsinut allanut nuunniarlutit tooruk
Kommuneqarfik Sermersooq

Kommuneqarfik Sermersooq / Kiffartuussigasuartarfik / Sulisoqarnermut Sullissivik

Kommuneqarfik Sermersooq suliffimmik misiliiffittut? / Atorfiup Ilisarnaataa 218/21

Kommuneqarfik Sermersuumi ilinniartuunissanni nutaamik ilikkagaqarnissannut alapernaaserlutillu piareeqqavit? Kommuneqarfik Sermersuumi ineriartortitsineq suleqatigiinnerlu pillugit sunniuteqarnissannut peqataarusuppit? Taamaappat maani suliffimmik misiliinissannut qinnuteqarsinnaavutit.

 

Kommuneqarfik Sermersooq Kalaallit Nunaanni suliffeqarfiit annerit ilagivaat. Kommunimi suleqatigiligassatit 2.300-t sinnerlugit amerlassuseqarput. Suleqatit inuiaqatigiit pillugit ullut tamaasa pingaarutilinnik suliaqartut. Taamaattumik tulluusimaarutigalugu ataatsimoortut suliffiup avatangiisaanik eriaginnittut innuttaasunillu pitsaanerpaamik ataqqinaatigalugu kiffartuusserusuttut akornanniilissaatit.

 

Suliffimmik misiliisutut piffissami aalajangersimasumi ”atorfinitsinneqassaatit”, immikkoortortamilu aalajangersimasumi suleqatigiinnut ilaalissallutit. Tamatuma saniatigut ilinniakkatut anguniakkat eqqarsaatigalugu pissusissamisoornerussammat nikerarnissannut periarfissaqassaatit.

 

Tamatuma saniatigut Kommuneqarfik Sermersuumi ilinniarnissamut pitsaasumik avatangiiseqarnissaq ukkatarigipput paasissavat, ilaatigullu illit ilinniarnissamut avatangiiseqarneq ineriartorteqataaffigalugu.

 

Kommuneqarfik Sermersooq ilinniarfeqarfinnit makkuninnga ilinniarnermut atatillugu suliffimmiittussarsiorpoq:

  • TNI
  • Inuussutissalerinermi ikiorti/sullissisoq
  • Aaqqissuussanut ataqatigiissaarisoq (Nuuk)
  • AU – IHM (Nuuk)

Kommuneqarfik Sermersuumi illit ilinniarnermut atatillugu suliffimmiittutut:

  • Pissanganarluinnartumik ineriartorfiusumi suliffeqarferujussuarmi peqataaneq
  • Siammasissumik ilinniagaqalerneq
  • Ullut assigiinngisitaartuussapput, illillu nammineerlutit suliassatit sunniuteqarfigisassavatit
  • Inuppassuarnik assigiinngitsunik naapitsisarneq kiffartuussinerlu
  • Inuiaqatigiit atugaat pillugit annertuumik paasisimasaqalerneq
  • Attaveqaateqartuaannarneq
  • Ilinniartut ilinniarnermullu atatillugu suliffimmiittut attaveqatigiittartut amerlasuut akornanniissaatit, ilaatigullu naapinnissassinnut misilittakkanillu paarlaasseqatigiittarnissassinnut periarfissaqassallusi
  • Qaninnertut pisortarisamit kommunimilu ilinniartunik siunnersortimit ikorfartorneqarneq ilitsersorneqarnerlu
  • Ilinniarnermut atatillugu suliffimmiittunut ataqatigiissaarisumik attaveqartarneq

Ilinniartuunerpit nalaani angusaqarluarsimaguit, siunissami atorfinitsitaanissannut periarfissaqarluarsinnaavutit.

 

Pingaartipparput:

  • Alapernaatsuussasutit nutaanillu ilikkagaqarnissamut sapiissuseqartuussasutit
  • Suliassamik pissanganartumik peqataaffigerusutannik takugaangavit ujartuisutut peqataaniarsarisartuussasutit
  • Kiffartuussiumalluartuusutit
  • Suliassatit tamatigut piumassuseqarfigalugit, sulerusussuseqarfigalugit orniginartillugillu suliarinninniartuussasutit
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaassasutit

Kommuneqarfik Sermersooq ilinniarnermut atatillugu suliffimmiititsisinnaasui illoqarfiit tassaapput Nuuk, Paamiut aamma Tasiilaq.

 

Taakkununnga arlaannut ilinniarninnut atatillugu suliffimmiinnissannut soqutiginnikkuit qinnuteqaatinni qullermi illoqarfik qinnuteqarfigisat allassavat, ilaatigullu immikkoortortaq sorleq soqutiginerlugu ilanngussinnaallugu.

 

Akissaatinut atorfinitsitaanermullu tunngatillugu atugassarititaasut:

Inuussutissarsiutitigut ilinniartitaanerit: Siuliini pineqartut Ilinniartunut atuartunullu Naalakkersuisut, Finansministeriaqarfiup aamma Sulinermik Inuussutissarsiuteqartut Kattuffiata akornanni isumaqatigiissutit malillugit akissarsiaqartinneqarput.

 

Ilinniagartuunngornissamut ilinniartitaanerit: Aamma Namminersorlutik Oqartussani, Tele Greenland A/S-imi, A/S Inissiaatileqatigiiffimmi aamma Kommunini ilinniagartuutut ilinniartunut akissarsiarititat atorfininnermilu atugassarititaasut pillugit malittarisassat.

Atorfinitsitsineq qaammatini pingasuni misiliutaaqqaassaaq.

 

Inissiaq:
Atorfimmut atatillugu inigisassamik innersuussisoqarsinnaanngilaq.

 

Qinnuteqaateqarneq:
Qinnuteqaat Atorfiup nr. 218/21 ilisarnaaserlugu, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Apeqqutissaqaruit imaluunniit soqutiginnikkuit attavigikutsoorsinnaavatsigut uani arbejdsmiljo@sermersooq.gl

 

Imatut qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Nittartakkami atorfimmik inuttassarsiuinitsinni link aqqutigalugu qinnuteqaatit tamarmik nassiunneqassapput.

 

E-mailikkut qinnuteqaatit tiguneq ajorpavut.

Kommuneqarfik Sermersooq
Kussuaq 2
3900 Nuuk
Oqarasuaat:
367000
Nittartagaq:

Ilinniartunut sungiusarfissat amerlassusaat:
?
Suliffeqarfimmi suliffissaq