sullissivik.gl
INI A/S

INI A/S suliffeqarfiuvoq kalaallinit pigineqartoq, inissianillu suliarinninnissamut neqeroortoq. Piginneqatigiiffiuvugut INI-millu ateqarluta. Namminersorlutik Oqartussat tassaavoq piginnittoq.

1. Januar 1994-imi siusinnerusukkut Namminersornerullutik Oqartussanik massakkut Namminersorlutik Oqartussaasunit, kiisalu kommunenik amerlanersaannik sullissilluta aallartippugut. Inissianik assigiissaartumik allaffissornikkut ingerlatsinissaq kiisalu ataqatigiissaartumik inissianik aserfallatsaaliuisarnissaq kissaatigineqarmat, Namminersornerullutik Oqartussanit pilersinneqartoq.

Suliarisartakkagut ukununnga agguataarneqarsinnaapput:

  • Inissianik allaffissuussineq
  • Pisortat inissianut aningaasalersuisarnerat – BSU-mit taarsigassarsiat
  • Illuutinik sullissineq

Ingerlatseqatigiiffiuvugut 160 missani sulisoqartut Sisimiunilu qullersaqarfeqarluta aammalu sinerissami illoqarfinni amerlanerpaani allaffeqarluta. Sulisut assigiinngitsuupput ilaatigut ingeniøriullutik, konstruktørit, byggeteknikerit, teknikkimut assistentit, assassugassalerisut, allaffimmiut assigiinngitsorpassuillu allat.

Pingaaruteqartitagullu tassaapput akisussaassuseq, pimoorussineq, ataqqinninneq atorfimmilu pikkorissuseq.

Ukiuni kingullerni arlalinni sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni.

Tikilluaqqusaasutut tigulluarneqartutullu misigisimaneq atorfineqqammersunit tusartarparput. Tamannalu immitsinnut suliatsinnullu pingaartitsinertut suliffiullu nuannersutut misigiffiusarneratut paasisarparput.

INI A/S
Postboks 1020
3911 Sisimiut
Oqarasuaat:
701000
E-mail:
Nittartagaq: